.

工作壓力大得很.. 我老細係一個追求完美的人, 只要我有少少差錯, 佢就會忍不住破口大罵.. 佢要人地可以好似佢肚裡面條蟲咁, 時時刻刻知佢要乜, 想做乜.. 一配合唔到佢需要就鬧, 受人2分4, 仲要受埋氣, 唉好辛苦.. 當我想回應一下, 佢就即刻叫我唔好咁多解釋, 十萬個無奈
佢今日話我唔check藥, 好唔開心.. 如果以前3個人既時候, check藥係必須, 但得我同佢兩個人, find card係我, 寫藥袋係我, 出藥都係我既時候.. 又點會有出錯藥比人既可能性呢?! 如果我check左藥, 再比醫生check藥, 已經double check喇, 我再o係出藥時再重複一次係咪好..多此一舉呢? 你地話係唔係喇? 我比一份藥佢check, 就suppose佢一份比返我, 唔通我會係呢個時候去猜想去質疑份藥唔係頭先果份果張卡..?! 咁我會唔會複雜左, 諗多左呀? 佢叫我以後出藥果陣對一對張卡先..
事實係.. 除非佢要陰我姐, 否則冇可能會出現呢張卡唔係呢份藥..既情況lor ! 我就係覺得佢唔會咁做, 所以先好自然咁自動出藥啦.. 如果同一份藥要check 3,4次既, 執蘗已經1次, d藥排次序已經第2次, 去到醫生度比佢睇已經第3次, 我再去否定自己睇多1次, 會唔會多餘左d呀? 成個過程如果有兩個人做, 出錯機會多, 絕對應該check多幾次.. 但依加個程序係自己由頭做落尾, 點可能有糊里糊塗既情況呢? 叫我check十次, 十次都係咁架啦, 除非佢專登調換左去姐.. 佢無啦啦咁樣叫我check多次, 咁佢意思係咪想叫我check下佢有冇陰我? 奇怪lor

原來, 又係我錯, 又係我唔岩..

我自問同佢做野都盡心盡力去做, 倒垃圾好惡啃, 佢出多一份糧局我做, 都冇所謂啦.. 我關心佢..多過自己, 天氣凍驚佢凍, 比暖貼佢, 佢又唔用, 街邊見到d乜鬼花生乜鬼酥, 我都想買比佢食.. 佢想食豬xx, 我親自去整, 仲飛taxi來回, 只係為滿足下佢, 令佢開心.. 因為見到佢開心, 自己都開心.. 如果花一點心思..可以令身邊既人開心既, 點解我唔做呢?!

好多時候, 我有�彁�都第一時間同佢講, 同佢分享.. 但好多時候, 佢只係好冷淡咁回應一句, 或者唔睬我, 由得我自言自語, 好hurt



可唔可以搵個人關心下我, 理下我感受?
點解個個都要咁對我? 有冇人可以對我好少少?

自細分不到半點家庭溫暖, 常有寄人籬下感.. 諗住朋友可靠, 點知又.......................
一次又一次, 一次又一次

崩潰 . . .

好想冬眠呀

我呀我呀我呀, 日日OT好慘

日日返工返工返工, 冇娛樂冇朋友

冇人理我

生活一個悶字




希望快d聖誕節〜〜〜〜〜呵呵呵呵！

a brand new start.

2005/9/10 2:58a.m.